東網電視
更多新聞短片
一年一度慈善大騷《歡樂滿東華2021》今晚（11日）於將軍澳電視城舉行，先由JW以及姚焯菲（Chantel）打頭陣，為節目掀起序幕，JW身穿前後Deep V白色晚裝，相當性感，平時穿泳衣都要外披T恤的她可有獲得男友「批准」？她笑言：「佢冇話唔畀（性感），T恤係我自己想加啫，呢條裙好Sparkling（閃爍），好啱開場着，其實冇乜嘢睇到。」
JW（左）同Chantel打頭陣！
Chantel話唔敢着JW嗰件衫！
表現好好呀！
JW件衫殺晒！
林子祥帶領《聲夢》學員唱歌！
JW如此性感，問Chantel敢不敢挑戰該晚裝，她即耍手擰頭表示：「唔得，（將來呢？）將來或者可以，但依家一定唔得。」對於打頭陣，Chantel都直言緊張，並指自己綵排時有點忘詞，但身邊的JW就大讚Chantel好叻女，第一次綵排都表現得非常好。唱完序幕後，剛從內地回港的林子祥（阿Lam）帶領一班《聲夢》學員冼靖峰、張馳豪、林智樂以及孫漢霖等獻唱《敢愛敢做》，炒熱氣氛。
林子祥受檢測之苦
阿Lam接受訪問時，說明年3月將在亞博舉行演唱會，更大談之前因往內地工作要接受檢測之苦：「撩鼻都撩咗6次，喺香港撩鼻冇咁痛，喺嗰度撩鼻撩到好入，上到眼咁滯。」問到不用為個唱練歌？他說：「冇乜點樣練，自己唱咗咁耐歌，仲使練咩？過程都一樣，保持到水準，就唔使特別去做，總之唔使做騷時，都唔會特別食嘢同飲好多酒。」
問到個唱只開一場，會否難為要幫朋友撲飛的兒子林德信，他笑說：「冇法啦，鬼叫佢係我個仔，（會加場？）都定咗，依家啲騷唔似以前紅館咁。」至於林德信屆時會否現身合唱廣告歌？他說：「會啩，佢都要出一出現，（太太葉蒨文呢？）唔知，可能佢會喺控制台，（啲歌迷想聽你哋合唱？）要睇時間，因為rundown慢慢出緊嚟，（唔排除兩公婆兩個上台？）將來會，要睇機會，佢都餓咗好耐，有時都會喺屋企唱歌，我哋喺內地、香港都會一齊唱倒數騷。」至於人氣王姜濤日前在騷上唱其《分分鐘需要你》作致敬，他說：「啲後生可以唱我哋老人家啲歌都係好，我冇聽過，想快啲聽，（聲夢學員唱成點？）都ok，首歌冇轉key，都好高，但現場太嘈，聽唔到效果，返屋企再聽。。」
阿Lam剛從內地返港，大談檢測時「撩鼻」之苦。
同場的汪明荃，其歌迷會多年來都會在《東華》摺銀紙花，今年也不例外，汪明荃表示：「今年佢哋摺咗九魚圖，希望投得嘅善長可以事事如意，（目標價是？）往年都20萬，希望今次都可以。」除了歌迷摺銀紙花，汪明荃與羅家英早前亦已錄影折子戲，並會在節目中播出，該環節已籌得70萬元。
汪明荃
