周家蔚變番23吋黃蜂腰　引誘老公追多個女

藝人周家蔚以6位數字成為美容代言人，早前她到葵涌以運動及靚太look拍攝束腹收身廣告。細仔已經6歲的她估不到生BB多年後再紮肚仍有理想效果，腰圍由28回復生BB前的23吋腰，重拾纖瘦身形，她說：「唔止為咗靚，對身體亦好，生完BB腹直肌會扯開咗，今次再做咗10日紮肚，令到肚腩仔變番平，亦令到盆骨、肋骨、腹直肌，成個骨架都收緊番。」

近年專注相夫教子的她回復靚靚身形老公可有讚好﹖她笑說：「佢喺內地拍嘢，所以未睇到個效果。（加家用獎勵？）我都想，哈哈。（追多個女？）我都恨生個女，但係老公唔係好想，有兩個仔都滿足。」