《姐姐》第三季名單曝光？李冰冰惡鬥天后李玟

內地綜藝節目《乘風破浪的姐姐》唔經唔覺已經去到第三季，今日（6號）網上瘋傳參賽女藝人名單，當中就見到多位大卡士藝人，好似內地影后李冰冰、天后李玟、Twins、胡杏兒、金馬獎影后賈靜雯、王心凌、徐冬冬等，真係齋睇卡士都難分高下！而今次瘋傳嘅名單令唔少網友大讚陣容夠晒紅，仲話今次啲女藝人名氣之大，唔敢相信會喺名單之中，雖然好期待，但係都等官方公布嘅名單為準。而賈靜雯經理人回覆：「完全冇聽講過此事！」直接否認參加第三季。