東網電視
更多新聞短片
台灣天王王力宏被前妻李靚蕾「核爆毀滅式」爆料，踢爆約炮、召妓醜聞，令優質偶像一夜淪為渣男，更曾一度被冠上「劣迹藝人」嘅污名。不過事件發酵逾一個月，網友就發現王力宏已經被移除「劣迹藝人」清單，佢同方文山合作嘅新歌《天地龍鱗》剛推出就衝上內地音樂排行榜冠軍，樂壇地位保得住。
王力宏離婚風波爆出後，曾一度被指加入「劣迹藝人」清單。
估唔到唔只王力宏成功洗底，就連最近憑跨年騷重奪「台灣舞王」之位嘅羅志祥都一樣重整形象，佢本身就出現喺搜索平台上嘅劣迹藝人名單版面，並且排喺顯眼位置，依家就一樣「被消失」，至於點解被移除清單之中，具體原因尚不得而知。唔少網友見到曾被鬧到體無完膚嘅佢，依家洗白能力驚人，即被譽為係「教科書級別」，本月28日佢再現身小巨蛋騷，睇嚟人氣將會再次幾級跳。
有搜索平台曾例出「劣迹藝人」清單。
依家又再洗牌。
羅志祥依家人氣勁，「台灣舞王」歸位。
