張致恒被離婚　雯雯晒日落相：分開不代表完結

藝人張致恒(Steven)北上搵食，掉低老婆雯雯與兩個囝囝在香港生活，有指雯雯自從老公北上後，情緒一直不穩，曾於社交網出Post講「關係結束」，當時張致恒經理人就回應「他們會沒事的」，不過直到今日（27日）雯雯在社交網的限時動態上載日落相，寫道：「分開不代表完結，只是讓大家過得更好的。今天我們正式離婚了，我也真心祝福你能夠幸福。」雯雯就單方面宣布離婚，而張致恒社交網則未有反應。兩人於2019年結婚，期間Steven不時有負面新聞傳出，雯雯每次都即時挺身護夫，想不到二人最後亦離婚收場。

去年聖誕節身在內地工作的Steven，當時還晒老婆和兩名兒子合照，並留言感謝老婆睇住頭家，又話自己會努力工作，希望下年可以一家人過，還冧爆說：「我愛你老婆。」但之後就未有發現他們再有任何互動，直至日前Steven上載單拖帶大仔往郊外溫馨遊玩的短片，意有所指寫道：「跑着跑着就長大了，陪你長陪你看世界，記錄美好童年，孩子的快樂很簡單。」

張致恒與太太區燕雯當年奉子成婚，並誕下兩名兒子，分別是2歲天寶與1歲天牧，由於當時Steven一腳踏兩船，形象直插落谷底，令收入大縮水，為生活要被迫轉行做侍應，又被人貼街招追債，後來轉到內地發展，收入終於有所改善。怎料，卻不時傳出婚姻有問題，去年11月雯雯突然在社交網撰文提到關係結束，又上載一張單人照，寫上：「每一段關係嘅結束，都係為咗有更好嘅將來，每一個選擇，都係考慮得好清楚之後嘅路點樣係最好，沒有仇恨沒有怨恨，對日後會更好。」當時已惹來婚變傳聞。

對於被太太離婚的張致恒一直未有回覆，他的經理人則說：「唔好意思，我都未清楚，Steven冇搵我。」而Steven前藝人家姐張詠恩就表示全不知情：「吓？我真係呢一刻先知，佢哋嘅問題由佢哋自己去解決啦，我不加意見了。」她更透露自從Steven返內地工作後，兩姊弟已沒有聯絡。另外，曾收留Steven同住的好兄弟張彥博也驚訝說：「我唔知喎！」