許瑋甯被語言暴力　留低傷痛烙印

兒童語言暴力問題一直都係社會關注嘅議題，台灣女星許瑋甯、鄭元暢、賴雅妍等參與「畫中有話」嘅慈善活動，用隱形螢光墨水寫低自己個人，或身邊親朋戚友曾遇過語言暴力嘅親身經歷，傳遞鼓舞同關懷能量。

許瑋甯嘅畫作中分享自己曾被語言暴力，仲令佢留低難以磨滅嘅傷痛烙印，之後要用咗最大努力先可以降低傷害，走出陰霾嘅過程。而鄭元暢嘅畫作就暗藏「噓！不可以告訴別人」，象徵施虐者封住兒童把口，要小朋決吞聲忍氣失去笑容，提醒大家要關心身邊嘅小朋友，因為冷漠同忽視就係施虐者嘅幫兇。至於賴雅妍嘅畫作中就寫着「你就是不夠好」，提到如果人同萬物都能好好被對待，只要1句話就都會變得更美好。