東網電視
更多新聞短片
視頻觀看次數: 2.4k
女團COLLAR早前曾被指抄歌成為一時熱話，近日佢哋再度捲入抄襲風波，不過今次調番轉，竟有網質疑韓團BLACK PINK新歌《Shut Down》MV似足COLLAR嘅《OFF/ON》，仲列舉三大相似之處！有網民於社交網發文，上載兩團MV截圖作對比，除咗服裝撞到應一應外，場景亦同樣係搭?、浴缸、跑車，就連跳舞動作都一樣係食指指地下再向下掃，種種線索令網民認為非常巧合，又笑指：「好彩COLLAR《OFF/ON》出先，唔係又話香港抄韓國。」但亦有網民指BLACK PINK新歌MV元素，其實喺以往MV都出現過，所以根本唔存在抄襲COLLAR。
BLACK PINK出新歌。
MV被指似足COLLAR嘅《OFF/ON》。
So Ching戴住毛毛帽。
BLACK PINK有相似造型。
Ivy So揸跑車。
BLACK PINK都一樣。
仲有呢個指地下手勢。
一樣相似。
不過有網民指BLACK PINK以往MV都有過類似元素。
故唔構成抄襲COLLAR。
