《就是青春》︱18位參賽者烈日當空拍主題曲MV逾30小時

2022年10月03日 18:01
東網電視
更多新聞短片
香港開電視耗資八位數打造的首個選秀節目《就是青春》,將於本月8日起,逢星期六晚上8時於77台香港開電視播映,今日(3日)正式發布《就是青春》的主題曲《不讓青春留白》MV,以賽車為MV主題,把飄移賽車及勁歌熱舞結合,盡顯氣勢,帶出18位參賽者奮勇直前的追夢決心及鬥心!原來主題曲中一段Rap詞,更是出自參賽者余逸暳(Bethia),認真厲害!
是次MV拍攝花了兩日即逾30小時拍攝,18位參賽者要在烈日當空下載歌載舞,絕對是體能大挑戰!參賽者阮偉倫(阿倫)是香港大學舞蹈學會成員,曾讀港大的MIRROR成員Edan呂爵安算是他的「師兄」,阿倫說拍人生首個MV是大挑戰:「大家要在猛烈太陽下跳舞,要用盡心力咁跳,仲要記得管理好自己嘅表情,真係幾大挑戰!見到拍出嚟效果好靚,加上過程中大家團結一齊做好件事嘅感覺,真係好青春、好熱血!」
有「翻版胡鴻鈞」之稱的林躍翰(John)說最難忘的,是可以一試飄移的滋味外,更說跳舞時拉傷膊頭:「可能自己本身跳開舞,之前亦有啲拍攝經驗,所以今次MV拍攝唔係太吃力。不過Day 1拍攝時,因為深夜時個人Cool down咗而唔小心拉傷咗膊頭!」另一位參賽者梁樂童(Stephanie)說由於在烈日下拍攝,一眾女成員要不斷搽防曬,大家更交流美白方法,她說:「第一次拍MV,仲要係18個人一齊拍,一切都既新鮮又難忘。一大班人一齊著得好靚好型咁跳舞,仲要有幾架跑車好貼身咁圍住飄移,真係好刺激。」