東網電視
更多新聞短片
視頻觀看次數: 2.2k
HOY TV全新節目《日圓5算攻略 東京篇》由陳約臨（Kelly）主持，「日本人妻」Kelly帶觀眾遊日本，推介「抵買」、「抵玩」、「抵食」遊日行程外，更為節目獻出「第一次」，初嘗做幕後滋味，Kelly表示極具挑戰，她謂：「要寫稿、諗內容，仲要兼顧幕前後及幕後工作，對我嚟講好大挑戰！」被問及有甚麼要訣時，她指「時間分配」最重要。身兼兩職固然辛苦，但Kelly笑言今次拍攝寓工作於娛樂，皆因她在節目中不斷購物、吃喝玩樂，更興奮指剛巧遇着日圓5算時期，四周商店都像處於大減價中，超開心！
此外，Kelly透露自成為日本人妻後，廚藝進步不少，炮製壽喜燒、日式小菜絕對冇難度，更歡迎朋友到家中作客，她表示：「之前鍾情嚟日本旅行，佢都有嚟我屋企，我仲煮嘢畀佢食，開關後，期待多啲朋友嚟搵我玩。」
而今年是她移居日本後的第一個聖誕，她表示屆時將會「非常趕」，她指：「先生聖誕正日生日，但我嚟緊仲要去大阪拍節目，所以到時要由大阪趕返嚟同佢慶祝，我估都係簡簡單單食吓飯。」
陳約臨於節目帶觀眾遊日本。
推介「抵買」、「抵玩」、「抵食」遊日行程！
更初嘗做幕後滋味，直言好大挑戰！
又指老公於聖誕節生日，到時會同佢食飯慶祝，非常Sweet！
