東網電視
更多新聞短片
有馬來西亞鬼才之稱的歌手黃明志尋日（15日）忽然爆料，指一名男歌手強迫其疑似未成年友人發生關係，並怒轟對方唔做任何防護措施：「你硬上『小妹妹』（我朋友）還死命不戴套還內射人家的事情，如果被捉到你就準備去跟牙籤做Roommate了。」疑似暗示對方與少女發生不安全性行為，雖然佢未有指名道姓透露男歌手身份，不過就提供多個hints令網友有聯想。而黃明志提到嘅「牙籤」，似係指早前因強姦未成年少女等罪於內地被判入獄13年嘅男星吳亦凡。
黃明志特地標註「不是不報，時候未到」，並用上多個港式粗口字眼、「泰國你是不是很熟？」等，令網友估計對方係香港藝人，亦會成日出入泰國，加上事件似乎係近期發生，因此最近曾到馬來西亞辦演唱會嘅香港男歌手都有好大嫌疑。
黃明志一向作風都好大膽。
嗱，佢完全冇指名道姓。
好多hints！
網友估佢暗示緊對方係香港男歌手。
