東網電視
更多新聞短片
視頻觀看次數: 15.9k

性感女神舒淇日前現身三亞,一身白色連身裙上下全開,大騷纖腰長腿引起熱議,令唔少網民都話46歲嘅佢竟然有如此身材,簡直不科學,仲紛紛向佢請教Keep弗心得,炸爆社交網。見外界反應熱烈,呢日佢就立即解構弗爆之謎,網晒運動短片,兼大方分享瘦身秘訣:「維持身形其實很簡單,能站的時候不坐,能坐的時候不躺,還有保持一顆快樂愉悅的心情,我啥都吃,甜品也吃,適量就好,然後晚餐簡單一碗五穀雜糧粥就好,如果需要熬夜,就正常吃7分飽就好,當然你吃進去多少,消耗掉就好,找到適合自己飲食習慣,運動的方式,其實健康瘦身很簡單⋯⋯千萬不要餓肚子喔!當然謝絕所有油炸的、油膩的,還有酒100CC就好,所以不喝最好。」
雖然佢形容「好簡單」,但唔少網民都指佢飲食非常節制,同一般人對「簡單」嘅定義根本唔同:「你說的那些都太難了」、「沒酒活不了」、「油炸的油膩的不吃,就不叫啥都吃啦」。

舒淇近日弗爆現身惹熱議。

大批網民私訊佢詢問減肥方法。

佢呢日大方分享Keep fit秘方。

全靠唔飲酒、唔食炸嘢!

甜品照食!

食幾多就要做番幾多運動!