東網電視
更多新聞短片
內地影帝黃曉明最近多次被拍得同內地女星趙仕瑾約會，繼VIP包廂睇電影、夜蒲酒吧後，二人再被拍得雙雙出入黃曉明工作現場，疑似帶埋緋聞女友開工。當日黃曉明帶趙仕瑾現身某藝術區工作室忙工作，以黑Tee、戴髮箍Hea look現身，工作人員陪伴黃曉明步出，趙仕瑾就緊跟其後，佢就以Deep V上衫襯貴婦背心外套現身，身材苗條，腰肢纖細。
黃曉明多次帶趙仕瑾見身邊人，被猜測感情穩定。
開工都帶埋喺身邊，仲要玩前後腳上車。
雖然當時落晒大雨，黃曉明出門口後由助理陪伴下，先司機將佢送上車，趙仕瑾則留喺門口等待，之後先被接上車，似乎係想扮前後腳掩人耳目。而網友們見到二人現身後，有人表示趙仕瑾嘅穿着打扮像似足黃曉明前妻Angelababy，仲話睇得出趙仕瑾同黃曉明身邊工作人員表現熟絡，應該唔係第一次跟對方外出工作。
網友話趙仕瑾打扮似Angelababy。
女明星打扮都大同小異嘅。
同Angelababy似唔似先？
