東網電視
更多新聞短片
歌手陳奕迅（Eason）最近忙於世界巡唱嘅佢，日前接受內媒訪問時透露喺李榮浩推出首張EP《模特》時，自己就被深深吸引兼好想認識呢位歌手，於是趁一次喺北京工作嘅機會中，Eason就透過共同好友創立咗一個聊天群，不嬲直來直往嘅Eason第一句就問：「李榮浩你好，我很想認識你，你有沒有興趣，我們就是約出來，我特別留一天給你，想認識一下你，可以嗎？」面對「歌神」嘅邀請，李榮浩更係一口答應。
成件事，真係好有Eason作風。
李榮浩同Eason第一次見面就入房……
Eason表示平時自己去北京出Trip，通常剩係停留3日，第4日就會離開，但為咗李榮浩而特登留多1日外，原本想約李榮浩喺酒吧見面嘅佢，亦因為驚環境太嘈雜，最後改成邀請對方嚟自己酒店房：「如果你不介意，來我房間。」並表示見完李榮浩後，發現雙方相當投緣。另外，Easno亦透露第一首邀請李榮浩幫佢編曲嘅歌正係《塵大師》，自己亦對呢首相當有Feel，Eason表示收到成品時仲忍唔住感動到喊：「我人生第一次，光聽編曲就聽到哭，我是感動的，我覺得太好聽，好聽到想哭。」
2人相見恨晚。
