東網電視
更多新聞短片
出名童顏嘅男神張智霖，去年忽然以滿面白鬚、蒼老外貌示人，未知是否為電影作品而轉Look，雖然都已經維持咗一段時間，不過大家似乎都未係好接受到男神變老！最近就有網民上載偶遇張智霖買叉燒嘅相，指撞到「初哥哥」現身著名叉燒店幫襯，見佢戴上Cap帽面露笑容，神情輕鬆，即被網民笑指要改口叫佢「初伯伯」。不過張智霖出名Nice，夠real嘅佢未有刻意遮掩自己嘅老態，感覺更親民，被網民大讚。
近年張智霖多次以灰髮Look示人，網友曾擔心佢身體有事。
男神到一定年紀自然變老，都好合理。
有網民撞見佢買叉燒，指要改口叫佢「初伯伯」。
最緊要老婆袁詠儀冇say，仲係咁愛佢！
