東網電視
更多新聞短片
由「金句王」方東昇率領3位「昇女郎」黃曉瑩、李曉欣、黃靖婷主持嘅兩輯《尋人記》及《好睡好起》播出之後獲得不少觀眾好評，不過其中一位「昇女郎」李曉欣（Michelle）喺上年7月宣布離巢，令網民大嘆可惜！
「昇女郎」李曉欣喺上年7月宣布離巢，令網民大嘆可惜！
與方東昇共同主持嘅節目都獲得觀眾好評。
離巢後嘅佢生活得相當悠閒寫意。
離巢後嘅李曉欣生活得相當悠閒寫意，成日喺社交網分享自己四處旅遊散心嘅靚相。今日佢喺社交網向大家分享喜訊，原來佢已經成為準人妻，佢晒出男友求婚嘅相，並寫道：「From Miss to Mrs, This is the start of something beautiful.」只見男友特意包下一艘遊艇，船頭擺着用紅白玫瑰砌成嘅心形，相當有心思，而當遊艇駛近中環摩天輪附近時，男友即單膝跪下向佢求婚，更送上一大束玫瑰花及鑽石戒指，冧爆嘅李曉欣一臉幸福，場面甜蜜又溫馨，而一眾好友亦喺留言區為其送上祝福。
晒出男友求婚嘅相，原來佢已經成為準人妻！
冧爆嘅李曉欣一臉幸福，場面甜蜜又溫馨。
