東網電視
更多新聞短片
台灣女星徐熙媛（大S）前夫汪小菲，近日透露已於台北租新屋，疑同新女友、台灣混山東嘅網紅Mandy曼蒂培養感情，佢亦提過會帶佢同大S嘅一對仔女箖箖同小玥兒到新加坡過年，估唔到一轉頭就有網友上載多張佢哋一行人喺新加坡食飯嘅靚相。有網友晒出大批偷拍相，見到汪小菲母親張蘭同幾位親戚飛去團圓，快滿10歲嘅小玥兒身高就快要追過阿嫲張蘭。
汪小菲（黑衣）被撞到現身新加坡辣椒蟹餐廳。
同行仲有Mandy曼蒂（右一）。
網友稱喺當地最佳辣椒蟹嘅餐廳用餐，發現汪小菲同女友、張蘭、一理小朋友及親戚聚首一堂，張蘭同小朋友行出餐廳，汪小菲仔仔箖箖夠活潑，同其他小朋友一齊跳起身摸天花板啲燈，家姐小玥兒就跟住張蘭，不過張蘭忽然步履蹣跚，同平時直播帶貨時活力模樣差好遠。不過大家最想睇嘅，反而係汪小菲帶埋Mandy齊齊出席家庭飯局，仲同新歡及仔女行街街，明顯係對Mandy身份嘅肯定，疑帶佢見「準奶奶」張蘭。
小玥兒（黑衫）已經有嫲嫲張蘭咁高。
張蘭就忽然步履蹣跚，令網友擔心。
汪小菲帶埋Mandy、小玥兒齊齊行街。
