影星前夫罕談安祖蓮娜祖莉：我試過為佢跳出飛機！

荷里活女星安祖蓮娜祖莉（Angelina Jolie）曾結過3次婚，她先後與3名男星鍾尼李米拿（Jonny Lee Miller）、比利卜科頓（Billy Bob Thorton）和畢彼特（Brad Pitt）結過婚。而首任丈夫鍾尼近日受訪時就罕有談及安祖蓮娜。

鍾尼於1995年因合作電影《忽然奪網》（Hackers）而與安祖蓮娜撻着，翌年2人結為夫婦，只可惜婚姻僅維持4年。多年來鍾尼甚少提及安祖蓮娜，最近他接受電台節目訪問時就談論前妻。他被主持人問有沒有曾經試過嘗試給所愛的對象留下深刻的印象？鍾尼想了一會後即笑住回答：「我試過跳出飛機。。。其實呢個唔係我嘅主意。」被問他為何那樣做時，他就回答：「我當時同緊一個年輕女子叫安祖蓮娜拍緊拖。而佢當時就喺機內同我講：『不如我哋呢個周末做啲興奮嘅嘢。』」他表示安祖蓮娜成功游說他一同到洛杉磯以外的一個城市Hemet旅遊，而他們就在坐飛機途中跳降傘。而鍾尼亦在訪問中大讚前妻超級有型亦是一個「唔怕死的女人」。