蔣麗莎現膠味大方認做提眉微調：還沒有恢復好

藝人陳浩民同太太蔣麗莎育有4名子女，為生計佢哋都早已加入直播帶貨及KOL生活，陳浩民更同老婆蔣麗莎孖住公開接受醫學美容療程，順手賺一筆廣告費。但大家都知微調或整容都好易「上癮」，貪靚嘅蔣麗莎似乎亦離唔開醫美生活，最近佢就大方表示剛接受完提眉手術，以提高眉毛，減少抬頭紋、眉間紋、眼皮下垂等問題。

最近蔣麗莎拍片晒家庭樂時，就驚見雙眼皮更深邃明顯，眼皮緊緻，加埋10級磨皮濾鏡，膠味漸濃。有網友睇得出佢個靚樣唔同咗，問是蔣麗莎係咪做咗提眉，蔣麗莎亦大方承認：「還沒有恢復好」有人再問蔣麗莎提眉手術後恢復得快唔快、會否留疤等，蔣麗莎都美容達人上身咁：「不着急，我一個月還不到～～慢慢會會恢復」敢做敢認。