劉青雲郭藹明行街被捕獲　1舉動力證26年感情不變

影帝劉青雲同太太郭藹明結婚26年依然恩愛如初，雖然夫妻2人生活相當低調，甚少一齊喺公開場合露面之餘，甚至連社交網都冇，不過經常出雙入對嘅佢哋，仍不時被網友喺街頭野生巧遇，日前更有網友晒出2人側面相道：「人生第一次偶遇明星，甚至是和老婆一起～熱心市民劉先生！！！一定是對我努力工作的獎勵。我們上行扶梯，剛上來就迎面撞上（他們正往這邊走準備坐扶梯下樓）非常短暫也就兩秒時間吧，但因為正好對上了眼神，立刻就認出他了！」

同時，網友亦透露認出劉青雲後原本想影相合照留念，但因為偷拍舉動被對方發現所以先作罷，未料劉青雲表現得相當大方：「拍這張時他正好抬頭看了一眼，嚇得我立刻就放下了手機，感覺有些冒犯，沒敢過多打擾，但還是忍不住開心揮手～沒想到他好像和老婆說了甚麼，兩位就一起向上看，很友善地對着我們同步揮手，呀呀呀好暖好Nice～～～」而從相中所見，企喺郭藹明身後嘅劉青雲，雙手相當自然咁搭喺太太膊頭上，簡單互動亦力證夫妻多年感情恩愛如初。