江華激罕晒大仔近照　竟然撞樣陳曉東

藝人江華出演過唔少古裝劇嘅佢，更憑《九五至尊》中雍正皇帝一角，成功喺觀眾心目中留下難忘印象。而近年淡出幕前多年嘅江華，亦轉戰社交網站做KOL，不時拍片分享生活點滴嘅佢，日前更難得分享同兒子陳耀淙（Bryan）嘅合照道：「在未來的日子裏，願你我皆能守護好這份寶貴的關係，用有限生命，去演繹無限精彩。」只見五官清秀眼大大嘅Bryan，盡得爸爸江華真傳，引嚟唔少網友留言道：「兒子長的也很帥氣，一家人好幸福。」、「兒子像父親，女兒像母親。」、「兒子挺像爸爸的，也好帥！」之餘，竟然仲有網友睇錯係陳曉東道：「我還以為你旁邊合照的是陳曉東！」