周杰倫騷前甜晒「老婆視角」　昆凌盛裝打扮愛相隨

台灣天王周杰倫今日（5日）起喺台北大巨蛋將一連舉行4日演唱會，同時亦係該場館首位開騷嘅歌手，而不時透過社交網分享生活及工作點滴嘅佢，日前亦先晒出段打網球，為開騷前熱身嘅影片，之後再晒出兩張型到裂嘅綵排照，只見戴上黑色Cap帽襯皮褸嘅佢分享道：「第一次走進大巨蛋站上這個既熟悉又陌生的舞台，常常經過東區大巨蛋，但現在特別有感，明天見啦！」，打扮回春之餘，老婆昆凌亦放閃道：「Who's that boy」（這個男孩是誰？）」更有唔少網友留言道：「夢回2000年！」、「哥，第二張讓我想起了2000年的周杰倫。」此外，老婆昆凌亦喺社交網轉分享周杰倫「老婆視角」嘅限時動態，並高調放閃道：「認真的你，忍不住偷拍一下！」認真閃到盲呀！