東網電視
更多新聞短片
內地影星章子怡一向醉心培育下一代新演員，多次成為演員選秀導師，尋日（13日）佢再次為節目《演員請就位3》擔任導師，聯同著名導師陳凱歌一同現身賽道歸位發布會驚喜直播，更獲平台影片副總裁親臨現場。
章子怡（右一）同陳凱歌現身綜藝發布會。
佢再次做導師，教新生代演員做戲。
於發布會上，面對主持人問到關於演員應該以咩心態嚟參加演技綜藝？章子怡溫柔並明確表達自己態度：「學藝先學禮，學舞先學德。」佢話大家參加節目嘅初心，如果唔係真係熱愛嘅話，乾脆就唔好嚟「廝混」：「要懷着想真正地長一點本事的本心才行，如果不是的話千萬不要在這廝混，這裏更不是流量的出口。」認真且負責態度獲全場掌聲，真誠發言感動到唔少網友，更有人係直言勁羨慕有得參賽嘅藝人，話自己都好想去上章子怡嘅大師課。
佢提醒大家參加節目嘅初心，係要真正熱愛演戲。
仲要學藝先學禮。
講到明唔要見到人借節目呃流量。
個個聽到拍爛手掌。
