東網電視
更多新聞短片
由周嘉洛、陳瀅、朱敏瀚（朱仔）及王灝兒（JW）主演的劇集《痞子無間道》正在熱播中。近日4人落力拍片宣傳，嘉洛與朱仔更與兼職揸的士的「書蟲」林浩文大玩「偽Fans你問我答」，考驗兩人執生能力及應付尷尬場面的忍耐力。
嘉洛一上車，林浩文即七情上面對他讚口不絕，及後林浩文開始「搭錯線」：「不過你個Partner演技真係要進修一下，佢成日扮周星馳，又懶搞笑咁，最慘係佢自以為自己好靚仔吖嘛！」嘉洛得悉原來林浩文誤將他認作朱仔，還對自己全面負評時，即足足「喲了」10秒鐘一臉尷尬，冷靜後決定將錯就錯，以「朱仔」身份「明踩暗幫」：「我同意呀，佢都知自己唔搞笑㗎…你話佢扮周星馳，佢冇㗎，佢講嘢本身個Tone都係咁，佢入晒血。」嘉洛最後以「急屎」為由結束，片段出街不久，即有網民大讚他玩得，並笑言「書蟲」巧遇「金城安」十分搞笑。
周嘉洛搭的士被認錯做朱敏瀚。
周嘉洛仲幫朱敏瀚為負評解畫。
呢個先係朱敏瀚呀！
果然夠老友！
