東網電視
更多新聞短片
內地女星楊冪近年人氣下滑，主演劇集收視連環仆直，不過其一舉一動都依然獲網友關注，今日（10日）係頂流女神劉詩詩生日，身為好友嘅楊冪就喺凌晨發文祝劉詩詩生日快樂，Sweet爆發文：「親愛的小劉，生日快樂，健康平安順遂！阿麼阿麼阿麼！」即被網友發現係佢連續第四年為對方發文慶生，更令「#楊冪連續四年為劉詩詩慶生#」直衡熱搜，詩冪CP再次發功，冧爆網友。
楊冪（右）去年被傳唔肯出場，搞到要劉詩詩現身救場。
好感情就要Post出嚟畀大家睇。
咁又過咗4年。
其實楊冪同劉詩詩早年結緣，但隨後被指因遭外界經常比較，而令二人關係變質，至2021年先才正式破冰。不過去年一個盛典上，因發生活動直播紅地氈空場20分鐘場面後，見到劉詩詩現身解圍救場，遭眼利網友質疑疑似當時楊冪、郭采潔及謝依霖等幾位女星唔肯出場所致，好在呢次事件未有影響「詩冪」感情。
好姊妹冇隔夜仇。
