東網電視
更多新聞短片
MIRROR成員AK前日（18日）接受鄭裕玲（嘟嘟）電台節目訪問，談到團中隊長和副隊長的責任，身為副隊長的AK表示撳唔住大家，搞笑表示自己屬於「工人式嘅貢獻」，因為他比較早有車牌，經常接載成員安全返家。
AK分享拍團綜的搞笑事，曾經出埠開工與Ian同房，被投訴有噪音，他表示：「佢(Ian)係好唔鍾意啲嘈嘅嘢，佢係高敏人士耳仔好靈敏，比較奇特，佢聽到嘅嘢我哋未必聽得到，佢係Perfect Pitch，如果有啲高音頻擾亂到佢，佢隻耳仔就會唔舒服，咁可能我把聲就屬於嗰個音頻，擾亂咗佢。」
他又憶述有次Ian攜帶Saxophone（色士風）出埠練習，問他可否在房練習，AK當然應允，結果Ian翌日向他投訴：「搞唔掂呀！你夜晚吹嗰支Saxophone（指鼻鼾）大聲過我嗰支呀！」問到AK知否自己有鼻鼾，他笑言媽媽有告訴他，小時候已經有這個習慣，家中除了媽媽其他男人都有，而且自己非常「反瞓」，晚上睡覺整個人會頭腳位置倒轉。
AK接受電台訪問。
原來AK由細到大都有鼻鼾。
與Ian同房時，仲畀對方投訴。
