東網電視
更多新聞短片
曾多次獲得香港電影金像獎和台灣電影金馬獎「最佳女配角」的女星金燕玲，同第二任丈夫育有一名囡囡Emma，由於女兒於英國定居，而金燕玲早年已回流返港，母女分隔兩地甚少公開同框。尋日（22日）一名婚照攝影師上載兩張金燕玲家庭照，意外洩露現年34歲嘅Emma嫁老外男友，金燕玲秘密榮升外母。
金燕玲同囡囡一樣好有星味，仲好似樣。
該名攝影師晒出金燕玲母女合照，寫道：「早前幫金燕玲小姐同女兒Emma影了一輯家庭照，一個中式造型與一個時尚造型，兩個造型喺佢哋身上都非常優雅！多謝你哋都鍾意成個shooting experience埋輯相！」Emma雖然氣質西化，但同媽媽餅印一樣，其中一張母女合照，Emma穿上露肩婚紗，同金燕玲嘅白色中性西裝款非常相襯，母女合照有型有格，同樣星味十足。另一張三人合照中，金燕玲同Emma均穿上中式裙褂，Emma戴上搶眼龍鳳鈪，同身邊嘅外籍型男齊齊句照，相信就係Emma嘅未來老公。
疑似嫁老外男友，三人笑得好開心。
Emma時不時就會返香港探媽咪，亦有好多星級aunties。
