港澳版>新聞>中港台
  • 政Whats噏:明報副刊專欄驚現藏頭詩 斥「國安法可恥」

    香港時間
    2021年01月09日(六) 18:01
    東網電視
    更多新聞短片
    視頻觀看次數: 55.6k
    昨日明報副刊一篇專欄被指為一首藏頭詩,寫上「國安法可恥、釋放政治犯」(紅框示)。
    1/2
    《港區國安法》已經實施大半年,但反中亂港人士仍然死心不息、藏頭露尾。有網民發現昨日(8日)明報副刊一篇專欄內容批評《港區國安法》,原來仲係一首藏頭詩,寫上「國安法可恥、釋放政治犯」。有時事評論員批評,有關人士利用傳媒宣傳無理嘅個人理念,而明報亦無盡責審核內容。
    該專欄以「要麼你就拉埋我」為題,講到香港已經唔存在民主,又形容喺現今嘅政治亂世當中,只可以靠自己,但大家都好容易會犯禁犯法咁話喎。原來專欄的作家將稿件寫成一篇藏頭詩,竟然寫有「國安法可恥、釋放政治犯」。
    時事評論員陳雲生直斥相關人士藏頭露尾,世界上每個國家都有國安法,最終目的都係為咗保衞國家安全,與其話國安法可恥,不如話有關人士「無腦」,已經有自己嘅一套既定立場。陳話,有關人士利用傳媒宣傳無理嘅個人理念非常唔要得,但係明報竟然配合有關人士登出稿件,令人覺得驚奇。陳話,首詩「橫睇掂睇」都清楚睇到投稿人嘅意圖,質疑明報編輯無理由睇唔到,若然真係涉及人為疏忽,促請盡快公開交代喎。
    陳雲生批評有關人士藏頭露尾,指控國安法可恥是「無腦」。
    感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。