將軍澳韓式餐廳無數蟑螂亂爬　街坊直言「見過有鼠添呀」

餐廳衞生很重要，不用講三次都知！但有將軍澳街坊近日發現，區內一間韓式餐廳牆壁滿布蟑螂，無數曱甴亂爬，場面相當恐怖，並提到該餐廳平日人頭湧湧，提醒經常光顧的食客要「睇路啦」！有網民紛紛在貼文留言表示很恐怖，要「Call 食環」；更有街坊留言「見過有鼠添呀」！

該名街坊在本周一(26日)，於Facebook群組「將軍澳｜烽火台」發文，指一間位於「TKO Gateway」的韓式餐廳「好X多小強，係好X多」，從貼文附上的多張圖片及影片，可見不少蟑螂在涉事餐廳牆外亂爬，而文中更指「啲大強可能生左(咗)超級多胎呀」。