東網電視
更多新聞短片
楊永杰有兩名職員快速檢測初步確診。
第5波疫情在港不斷蔓延，確診個案近日暴增，立法會秘書處今天（21日)接獲議員楊永杰通知，其辦事處有一名同事確診。東網記者致電楊永杰查詢，楊話現正家居隔離，需要同懷孕34周嘅太太分房瞓，並戴上口罩，以策安全。
楊透露，佢喺土瓜灣嘅地區辦事處同中信大廈辦公室各有一名女同事，使用快速測試後結果初步確診，佢哋喺上星期已經在家工作，冇返工。佢又話喺2月17日同嗰位喺中信大廈辦公室嘅同事曾有短暫接觸，而佢自己同其他同事都已經做咗快速測試，並冇確診。至於地區辦事處喺上星期亦已全面消毒，而立法會秘書處會安排清潔公司消毒中信大廈13樓辦公室。
依家喺屋企房間自我隔離嘅佢，長期戴上口罩，亦同太太分房。幸好懷有身孕嘅太太快速檢測結果都係冇確診。為安全起見，佢聽日(22日)會去做核酸檢測，又話如無意外，今個星期四(24日)可以回復正常工作
