波基斯費南迪斯灰爆練波　之後點算？

英超夏季轉會窗完結，其中一個最失望嘅球員，相信就係士砵亭中場波基斯費南迪斯。呢位葡萄牙國腳一直希望進軍英超，本來曼聯同熱刺都對佢展開收購，可惜冇球會畀到士砵亭叫價嘅6,300萬鎊。就喺英超轉會窗準備結束嗰陣，波基斯費南迪斯喺葡萄牙就被影到灰爆練波，而且仲有隊友疑似向佢作出安慰，真係睇到心酸。<br/><br/>波基斯費南迪斯上季以中場身份狂入31球，實力當然唔使懷疑，雖然依家唔可以即刻進軍英超，不過波基斯費南迪斯亦唔愁冇出路，傳聞西甲勁旅皇家馬德里都考慮買佢，亦有消息話曼聯同佢一早已經達成個人條件，可能會喺明年1月轉會市場重開後再次斟介喎！<br/><br/>立即參加「賞您睇」：http://bit.ly/2JWKULh　<br/>Click下面粒掣，儲on.cc coins！機票、家電、超市禮券、過萬份獎品等緊你。