唔係啩？洛賓要復出踢中超？

今夏宣布退役嘅荷蘭「小飛俠」洛賓，近日受訪突然暗示有可能撤回掛靴決定，佢話：「我永不會說不！」<br/><br/>今年35歲嘅洛賓，其實仲好踢得，上季佢喺德甲上陣11場入4球，喺歐聯上陣4次，取得2入球1助攻。今個夏天，一向同佢雙翼齊飛嘅法國球星列貝利，就去咗意甲踢費倫天拿，而洛賓家陣都開始心郁郁：「或者，未來嘅1至2個月，我會有個奇怪感覺，我會好掛住曾經嘅一切，到時我就會決定復出。當然，你退役時間愈長，復出嘅難度就愈大。客觀嚟講，我並唔認為自己復出嘅可能性好大。」<br/><br/>洛賓仲話：「毫無疑問，掛靴係我做過嘅最難決定！激情、球場、比賽，呢啲都係非常重要，我永遠都會懷念。」洛賓透露自己收到好多來自中超同美職聘約，話唔定大家遲啲有機會喺中超見到佢添！<br/><br/>立即參加「賞您睇」： https://tinyurl.com/y2e6pmwk　<br/>Click下面粒掣，儲on.cc coins！機票、家電、超市禮券、過萬份獎品等緊你。