比利時主帥爆料：夏薩特足踝傷患難斷尾

足球博彩神器，每日重心提供盡在《彩報》：http://win.on.cc/football/　<br/><br/>比利時將於周日(6日)凌晨歐國聯作客丹麥，呢支「歐洲紅魔」球星如雲，包括擁有夏薩特、盧卡古、奇雲迪布尼等猛將。不過，夏薩特過去1季備受傷患困擾，令人懷疑佢能否重拾昔日水準，甚至連比利時主帥馬天尼斯都話夏薩特足踝傷患難以斷尾。<br/><br/>馬天尼斯被傳媒問到夏薩特情況時，佢話：「夏薩特嘅足踝傷患，目前並冇乜問題，佢喺歐聯對曼城，已經冇感到痛楚，但我認為佢餘下職業生涯，都要非常小心保護足踝，比賽之前同比賽之後都要特別處理。」因此，比利時嚟緊歐國聯作客丹麥、主場對冰島，夏薩特真係要睇住呀。<br/><br/>值得一提，夏薩特嘅足踝就係畀國家隊隊友梅尼亞踢傷，上年11月歐聯皇馬對巴黎聖日門(PSG)，當時仲喺效力PSG嘅梅尼亞侵犯夏薩特，搞到佢傷出，依家卻要一齊合作，認真尷尬。