曼聯華裔新星起底　真名叫陳達毅？

足球博彩神器，每日重心提供盡在《彩報》：http://win.on.cc/football/　

荷蘭小國腳鍾達希被視為曼聯明日之星，佢今夏被外借去德甲雲達不來梅，表現備受期待。20歲嘅鍾達希有華人血統，過去有報道話佢祖先係中國人，當年因為逃避戰亂先至移居到荷蘭，媽媽係第三代華人，近日專門研究華裔球員嘅權威Jallo_Tang喺微博爆料，經過佢多番查證之後，發現鍾達希其實係姓陳，全名叫陳達毅。

Jallo_Tang表示，鍾達希嘅太公係江門新會人陳友(Chong Yow)，佢喺1940年因戰亂移居荷蘭，並喺當地結婚並生咗6個仔女，其中第4個仔陳富秀(Chong Fook Shau)就係鍾達希外公。Jallo_Tang喺2011年開始研究華裔球員，曾經發掘出李可、侯永永等有中國血統嘅國腳，係中國國家隊近年歸化計劃嘅一大功臣，佢喺2014年已經訪問過鍾達希，並且得到陳友嘅相片同登記文件，可信性頗高。