東網電視
更多新聞短片
(Getty Images)
《英超刨績王》加強版，最強數據一網打盡：http://win.on.cc/football/
熱刺上場英超大勝曼聯6比1，領隊摩連奴未興奮完，就收到不利消息，新加盟嘅左後衞利古朗日前為西班牙出戰熱身賽對葡萄牙，不幸受傷，可能缺陣下場英超對韋斯咸。
利古朗當時踢完上半場，就被換走，事後西班牙主帥安歷基表示，醫生正在評估呢位23歲新星嘅傷勢，希望唔好太嚴重。
利古朗上季被皇馬外借去西維爾，憑出色表現協助球隊奪得歐霸盃冠軍，上月以3,000萬歐元轉會費加盟熱刺。
上輪英超熱刺對曼聯，利古朗正選上陣，踢足全場，可見摩連奴非常器重佢，可惜利古朗避得過新冠肺炎，卻避唔過「FIFA病毒」，喺國際賽受傷。
