輪姦案未斷尾　羅賓奴投山度士僅6日解約

足球博彩神器，每日重心提供盡在《彩報》：http://win.on.cc/football/　

早前巴甲勁旅山度士宣布，36歲前國腳羅賓奴回巢，而且只係要最低工資大約2000港元月薪，不過加盟短短6日，雙方就宣布解約，巴西傳媒報道，主要原因係羅賓奴2013年喺意大利嘅輪姦案未斷尾，雙方在壓力下被逼解約。

巴西《環球體育》報道，羅賓奴於2013效力AC米蘭期間，被指控聯同5名朋友輪姦一名女子，羅賓奴罪名成立被判監9年，之後該巴西球星離開意大利，唔再返去。

報道指，羅賓奴重返山度士後，球會承受各方壓力，有贊助商因此宣布解約，球迷亦對羅賓奴不滿，雙方最終解約收場。山度士發表聲明，亦有提及輪姦案事件：「山度士與羅賓奴達成協議，決定解除10月10日簽定嘅合約，以便羅賓奴專心應付意大利方面嘅司法程序。」

至於羅賓奴，至仍堅持自己係「清白」，今次與山度士解約係迫於無奈，唔想傷害母會，故選擇離隊。