東網電視
更多新聞短片
(Getty Images)
《英超刨績王》加強版，最強數據一網打盡：http://win.on.cc/football/
曼城提早取得出線權之下，喺周四(10日)凌晨歐聯分組賽，領隊哥迪奧拿雖然正選陣容收起部份主力，仍然以3比0大勝馬賽，前鋒阿古路傷愈復出，仲射入1球，為周六(12日)深夜英超「曼市打吡戰」作客曼聯，壯大聲勢。
奇雲迪布尼、史達寧、加比爾捷西斯做後備情況下，雙方上半都冇波入。換邊之後，曼城一發力就迅速由費倫托利斯打開紀錄。
踢到67分鐘，因為膝傷缺陣2星期嘅阿古路後備上陣，好快就把握1次門前混戰，射成2比0。去到補時，馬賽中堅艾華路蘇比朗擺烏龍，曼城贏夠3比0。
雖然阿古路復出就立即入波，但領隊哥迪奧拿表示，周六(12日)深夜作客曼聯，呢位阿根廷國腳並唔會踢正選：「阿古路踢咗25分鐘，要再觀察佢嘅身體狀況，需要一步一步來，所以對曼聯，佢唔會踢正選。」阿古路喺社交網話好高興回歸，膝部感覺良好，似乎好想上陣對曼聯。
