東網電視
更多新聞短片
(Getty Images)
《串績王》新登場，最強博彩盤路過關神器：http://win.on.cc/football/
西甲球會貝迪斯公布，隊內新增3位球員確診新冠肺炎，分別係39歲隊長祖亞昆、中場古亞達度、後衞馬田蒙度亞。3人目前身體狀況良好，現時正在家中自我隔離，將缺陣周六(2日)晚西甲「塞維利亞打吡」主場對西維爾。
貝迪斯最新一次為球員進行檢測，發現祖亞昆、古亞達度、馬田蒙度亞中招，其他球員並冇確診。不過，呢3位球員缺陣對西維爾，已經令教練比歷連尼非常頭痛，特別係隊長祖亞昆屬於球隊精神領袖，佢未能上陣，肯定打擊士氣，同埋「塞維利亞打吡」一向戰況激烈，貝迪斯有3人缺陣，難免輸蝕。
另外，意甲球隊拿玻里亦公布，前鋒域陀奧森漢確診新冠肺炎，已經自我隔離，無緣周日(3日)晚意甲作客卡利亞里。
