6大豪門排隊簽阿拉巴　皇馬成大熱

足球博彩神器，每日重心提供盡在《彩報》：http://win.on.cc/football/　

拜仁慕尼黑後防大將阿拉巴嘅合約進入最後半年，今個月開始可以自行同任何球會簽署轉會事前合約，據報皇家馬德里、祖雲達斯、巴黎聖日耳門、利物浦、車路士同曼城都已表達想簽佢嘅意向，不過西班牙《馬卡報》指皇家馬德里目前領先呢場爭奪戰。

拜仁慕尼黑主席路明尼加早前表示，球會已經放棄同阿拉巴續約：「我哋傾過好多次，目標就係想阿拉巴續約，最後一次會議我哋開出一份死線係上年10月嘅合約，可惜未被接納。我哋做咗好多嘢，包括搵佢經理人同爸爸，我哋已用盡所有方法。」

據報皇家馬德里已經率先出手，向呢位奧地利球星開出年薪1,000萬歐元嘅4年合約，並且希望喺未來幾日正式簽約。