連格：我喺韋斯咸好開心

足球博彩神器，每日重心提供盡在《彩報》：http://win.on.cc/football/　

由曼聯外借到韋斯咸嘅「連美斯」連格近期大爆發，為韋斯咸英超上陣4場入3球，入球數係踢曼聯2年嘅總和，仲有1個助攻同博得1個12碼，迎來生涯第二春，2比1擊敗熱刺亦攻入關鍵1球，佢賽後表示喺韋斯咸好開心，非常享受踢波嘅樂趣。

連格表示：「我喺韋斯咸感覺非常好，隊友們都好鍾意我，我好快就適應到新環境。依家我每場比賽都帶住笑容比賽，享受踢波嘅樂趣，呢點係最重要。」

講到韋斯咸有機會爭入前4，連格表示：「我哋每人都有同樣心態同目標，但唔會睇住聯賽積分，而係一場一場去踢，當然我哋現時嘅位置感覺好舒服。」

連格過去2年在曼聯不受重用，上陣機會寥寥可數，僅累積3個聯賽入球，上季更有球迷落注佢全季冇助攻冇入球，結果佢喺聯賽煞科戰最後一刻入波令投注泡湯，被球迷熱列討論，依家佢去到韋斯咸過得好，曼聯成績又好，可以話係雙贏局面。