巨星搖籃！士砵亭相隔19年再贏葡超

足球博彩神器，每日重心提供盡在《彩報》：http://win.on.cc/football/　

葡超聯賽冠軍誕生！士砵亭周三(12日)凌晨主場1比0贏博維斯塔，喺只剩兩輪聯賽下領先次席波圖8分，提前奪得葡超冠軍。士砵亭對上一次稱霸葡超已經係2002年，相隔19年再次捧盃，C朗拿度亦喺社交網向母會送上祝賀。

士砵亭過去出產過唔少巨星，C朗拿度就喺佢哋對上一次捧盃(2002年)後出道，之後仲有拿尼、摩天奴等葡萄牙國腳，加上最近代表人物般奴費南迪斯等等，不過呢班球星都幫唔到士砵亭奪冠，過去18季聯賽冠軍都由波圖(11次)同賓菲加(7次)包辦。

士砵亭今場憑住保連奴費南迪斯一箭定江山，擊敗博維斯塔成功封王，賽後有過萬球迷去到里斯本市中心慶祝，期間更興奮過頭，同警察發生衝突，演變成騷亂，要防暴警察出動平息場面。