大衛雷斯決定離開阿仙奴 碧咸向佢招手

20210515
東網電視
更多新聞短片
美職開鑼,即上《美職刨績王》:https://win.on.cc/football/league/mls/index.html 
巴西中堅大衛雷斯同阿仙奴嘅合約到季尾完結,據《BBC》等多間英國媒體消息,雙方周五(14日)商討後決定唔再續約,呢位34歲名將將會回復自由身。據報大衛雷斯下一站好可能會係美職,由碧咸做班主嘅國際邁亞密更加準備向佢招手。
大衛雷斯10年前登陸英超踢車路士,2014年曾轉投巴黎聖日耳門踢2年,之後再重投車路士,2019轉踢另一倫敦球會阿仙奴,不過今季因傷患問題已經減少上陣。據報大衛雷斯周五向阿仙奴表示無意續約,消息指「兵工廠」會另外物色一位中堅,加上今季外借尼斯嘅法國小將威廉沙列巴回巢,所以阿仙奴亦樂意畀佢離開。
大衛雷斯曾經講過希望喺退休前再效力成名球會賓菲加,不過報道指佢正同美職球會國際邁亞密斟介,有望以自由身身份轉戰美職,國際邁亞密由前英格蘭國腳菲臘尼維利執教,陣中又有希古恩、馬度迪、梳爾哥斯同基蘭基比斯等曾喺歐洲搵食球星。