【官宣】維拉3,800萬鎊簽貝安迪亞

足球博彩神器，每日重心提供盡在《彩報》：http://win.on.cc/football/　

英超勁旅阿士東維拉周一(7日)宣布，球隊已經同諾域治達成協議，將會收購阿根廷新晉國腳貝安迪亞，據報轉會費高達3,800萬英鎊。貝安迪亞目前正隨阿根廷國家隊踢世界盃外圍賽，並會參加之後舉行嘅美洲國家盃。

現年24歲嘅貝安迪亞係攻擊中場，上季帶領諾域治以英冠冠軍身份重返英超，不過21/22球季就會改披阿士東維拉戰衣，維拉官方聲明表示：「維拉同諾域治已就貝安迪亞轉會達成協議，佢正為阿根廷國家隊備戰世盃外，佢會喺當地完成體測後簽約。」

據報諾域治原本要求4,000萬鎊轉會費，不過維拉開出3,300萬鎊轉會費，外加500萬鎊浮動獎金，成功令諾域治答應放人。