東網電視
更多新聞短片
最強博彩盤路過關神器《串績王》：http://win.on.cc/football/
荷蘭自從尹戈爾回巢執教後，4場賽事有3勝1和成績，一眾球星除迪比、韋拿杜姆同華基爾雲迪積克等球星外，中堅迪維積同樣係尹戈爾「最愛」。上場世盃外對拉脫維亞，迪維積同華基爾雲迪積克合組中堅力保不失球，呢場係迪維積第23次為尹戈爾上陣，令佢成為尹戈爾歷來起用最多嘅國腳，追平尹佩斯紀錄。
迪維積喺2012年首度代表荷蘭，至今已有53頂國際賽喼帽，雖然華基爾雲迪積克公認係荷蘭後防核心，加上新星馬菲斯迪歷特亦上位，不過29歲嘅迪維積始終係尹戈爾最愛。尹戈爾2014年離開荷蘭前，最後7場比賽迪維積都係正選，7年後再執荷蘭教鞭，目前4場賽事都繼續用迪維積，即係話尹戈爾連續11場荷蘭隊賽事都係用迪積積擔正。
尹戈爾日前表示：「馬菲斯迪歷特不斷進步，佢已經走出黑暗時期，非常接近正選位置，不過佢面對嘅係一個非常強大競爭對手──迪維積，迪維積係荷蘭頭3場世盃外入面2場嘅明星球員。」
