魯迪格決心投皇馬　重組車仔兄弟幫

最強博彩盤路過關神器《串績王》：http://win.on.cc/football/　<br/><br/>車路士同中堅魯迪格續約遲遲未有進展，呢位德國國腳今個月已經可以同海外球會斟介，據西班牙《阿斯報》報道，魯迪格最近拒絕巴黎聖日耳門(PSG)開出嘅聘約，下定佢已決心加盟西甲班霸皇家馬德里。<br/><br/>季尾回復自由身嘅魯迪格，一直表示唔會咁快作出決定，不過佢同夏薩特、泰拔高圖爾斯2位昔日隊友傾過後，已被說服轉會皇馬係最佳選擇，而且魯迪格另一好友阿拉巴亦喺馬德里等緊佢，所以「銀河艦隊」已成魯迪格新球會嘅最大熱門。<br/><br/>據報PSG近日向魯迪格開出11萬鎊周薪合約，但被佢即時拒絕，呢位28歲中堅依家採取靜觀其變策略，等候更多球會向佢開出合約，傳聞曼聯領隊蘭歷克對佢都非常欣賞，加上拜仁慕尼黑、多蒙特等潛在買家，魯迪格今夏勢成搶手貨。