莫斯科斯巴達寸爆拜仁　曼聯無辜「中槍」

足球博彩神器，每日重心提供盡在《彩報》：http://win.on.cc/football/　<br/><br/>拜仁慕尼黑收購沙迪奧文尼一事仍然拉鋸，據報該德甲勁旅開出非常離譜嘅條件，被利物浦以「可笑」回應。估唔到拜仁嘅開價隨即成為球壇笑話，連俄羅斯勁旅莫斯科斯巴達都公開「抽水」，但就連曼聯都無辜「中槍」。<br/><br/>據報拜仁向利物浦嘅出價，包含650萬鎊嘅獎金條款，但啟動條件係拜仁連奪3屆歐聯冠軍，以及沙迪奧文尼連贏3屆金球獎，難度系數極高。莫斯科斯巴達嘅官方twitter都忍唔住抽水，自製一份假嘅報價單，話拜仁慕尼黑提出收購莫斯科斯巴達首席射手蘇保利夫。<br/><br/>呢份假嘅報價單入面，指拜仁會先支付1,000萬歐元轉會費，並附帶4,500萬歐元獎金條款，包括拜仁慕尼黑贏歐洲歌唱大賽冠軍、曼聯奪得任何錦標同埋美斯加盟皇家馬德里。不過有網民就話，莫斯科斯巴達將曼聯拎冠軍同另外2個幾乎冇可能嘅條件擺埋一齊，似乎寸曼聯多過寸拜仁。