足總盃　攻入生涯首球　李小恆：最緊要贏波

港會周日（2日）於「足總盃」首圈，經加時後以2比1險勝晉峰，為港會先開紀錄、兼攻入職業生涯首球的小將李小恆（Raphael），賽後直言自己今場應該取得更多入球，但慶幸球隊最終仍能順利獲勝。

今季才加盟港會的法國籍小將李小恆，除了攻入職業生涯首個入球外，全場表現亦十分活躍，其個人突破不時帶來極大威脅，這位翼鋒賽後滿意自己發揮：「我好開心可以入到波，但其實我有機會入多一至兩球，不過最緊要係球隊贏到波。」除此之外，賽前曾3次後備入替的Raphael，對首次出任正選同樣感到高興：「我喺季前好努力去搵番狀態，可以打正選嘅感覺好正，多謝教練畀呢份『禮物』我。」

年僅20歲的Raphael透露自己首次出戰職業賽事，目前仍需適應港超節奏，希望今季能夠為球隊貢獻更多：「我以前冇踢過成人級別賽事，所以今季對我嚟講係個好好嘅學習經驗；我會爭取出場機會，期望幫助球隊打出水準。」