東網電視
更多新聞短片
足球博彩神器，每日重心提供盡在《彩報》：http://win.on.cc/football/
利物浦今個夏天以破紀錄8,500萬鎊轉會費簽達雲紐尼斯，但呢位烏拉圭射手嘅表現不似預期，喺英超同歐聯嘅入球數字同佢拎紅牌次數一樣得1次。達雲紐尼斯近日接受訪問，自爆聽唔明高普講嘅語，似乎語言問題係佢沉淪嘅原因之一。
達雲紐尼斯自從對水晶宮食紅牌而停賽3場後，復出踢咗5場比賽都冇波入，佢日前接受《TNT》訪問話：「事實係，高普講嘅所有嘢我都聽唔明，當然我會問番隊友領隊講咗乜，我認為高普對球隊嘅比賽風格非常清晰。」
只有23歲嘅紐尼斯，表示有信心會慢慢適應英超：「老實講英超真係好難適應，但係我深信每一次訓練，都會令我逐步咁去適應，而且所有隊友都幫助我。」
