東網電視
更多新聞短片
最強博彩盤路過關神器《串績王》：http://win.on.cc/football/
據英國《太陽報》報道，效力賓福特嘅前鋒艾雲東尼，因涉疑違規賭波被英格蘭足總調查，不過消息指目前未有足夠證據證明艾雲東尼「犯罪」，預料無損佢為英格蘭出戰卡塔爾世界盃嘅機會。
26歲嘅艾雲東尼有份入選英格蘭對上一次大軍，雖然最終並冇上陣，但仍被睇好可以入選世界盃26人大軍，但臨開波前突然捲入非法賭波醜聞，艾雲東尼喺社交網簡單回應：「我依家協助英格蘭足總調查，喺未有結果前我唔會作出評論，我以身為英格蘭人為榮，出戰世界盃一直係我嘅夢想。」
據報艾雲東尼被指控非法賭波嘅事件，係發生喺加盟賓菲特前嘅多年舊事，有消息人士透露，艾雲東尼對今次調查感到擔心，但佢堅持自己並冇做錯任何事，而英格蘭足總目前只係作出調查，並未有足夠證據提出檢控。
