阿根廷落敗　梅西派出所勸喻球迷理性睇波

陳瀅Kylie C陪你喺《彩報》玩轉世盃：https://win.on.cc/football/　

每逢世盃舉行，廣東梅縣梅西鎮在內地球迷圈勢必爆紅，皆因美斯內地譯名叫做「梅西」，同當地撞名，前晚阿根廷不敵沙特阿拉伯後，當地「梅西派出所」發出通告，勸喻球迷理性睇波，再度成為全國熱話。

內地傳媒報道，梅西派出所現有警察及輔警11人，派出所所長廖中杏表示：「梅西鎮同梅西除咗名字相同，沒有其他聯繫。」不過有一點相同，梅縣是足球之鄉，派出所警察全部都熱愛足球。

不過作為警察，世盃期間佢哋會平靜面對，廖中杏更向廣大球迷告示：「請球迷理性對待世盃，疫情下唔好聚集睇波，唔好賭波，唔好酒後駕駛。」