普比受傷退隊　英格蘭補選費沙科士打

最強博彩盤路過關神器《串績王》：http://win.on.cc/football/　

英格蘭今個星期展開歐國盃外圍賽，一開波就連鬥意大利同烏克蘭兩大勁敵，不過大軍未集結已經有球員變動，效力紐卡素嘅尼克普比宣布因傷退隊，領隊修夫基即補選熱刺嘅費沙科士打，呢位35歲老將對上一次為英格蘭上陣已經係2016年。

曾6次為英格蘭上陣嘅費沙科士打，今次入選令人意外，若非尼克普比、森莊士東、甸恩軒達臣都受傷，呢位35歲老將都冇機會重返國家隊，而且佢本身只係熱刺後備，因為正選洛里斯重傷而擔正，結果時勢造就佢可以再嘗入選英格蘭滋味。

英格蘭目前有比克福特同蘭斯達爾在陣，預計費沙科士打上陣機會唔大。英格蘭會喺周五(24日)凌晨作客意大利，之後再喺下周一(27日)凌晨主場對烏克蘭。